Dövlət İmtahan Mərkəzində Azərbaycan Valideyn-Müəllim Assosiasiyası İctimai Birliyi və Ailələrin İnkişafı üzrə Maarifləndirmə İctimai Birliyinin nümayəndələri ilə görüş keçirilib

2019-cu il mayın 1-də Dövlət İmtahan Mərkəzində Azərbaycan Valideyn-Müəllim Assosiasiyası İctimai Birliyi və Ailələrin İnkişafı üzrə Maarifləndirmə İctimai Birliyinin nümayəndələri ilə görüş keçirilib.Səmimi, işgüzar şəraitdə keçirilən görüşdə Dövlət İmtahan Mərkəzinin Direktorlar Şurasının sədri Məleykə Abbaszadə, Azərbaycan Valideyn-Müəllim Assosiasiyası İctimai Birliyinin icracı direktoru Şahin Rəcəbov, Ailələrin İnkişafı üzrə Maarifləndirmə İctimai Birliyinin sədri Ruhhiyə Məmmədova, Mərkəzin İctimaiyyətlə əlaqələr və kargüzarlıq şöbəsinin müdiri Nigar Hüseynova və digər DİM əməkdaşları iştirak ediblər.
Dövlət İmtahan Mərkəzinin Direktorlar Şurasının sədri Məleykə Abbaszadə ictimai iştirakçılıq prinsiplərinə uyğun olaraq Mərkəzin fəaliyyətində müxtəlif təşkilatların, ictimai birliklərin nümayəndələrinin iştirakının vacib olduğunu bildirib. M. Abbaszadə qeyd edib ki, Dövlət İmtahan Mərkəzi həyata keçirdiyi bütün tədbirlərdə ictimaiyyətin hərtərəfli məlumatlandırılmasına, ictimaiyyət nümayəndələrinin qəbul prosesinin idarə olunmasında iştirakına, bu sahəyə vətəndaş nəzarətinin təşkilinə böyük önəm verib. Həyata keçirilən tədbirlərin yüksək ictimai əhəmiyyəti nəzərə alınaraq, DİM-in fəaliyyətində şəffaflıq və ictimai nəzarət tam şəkildə təmin olunur.
Azərbaycan Valideyn-Müəllim Assosiasiyası İctimai Birliyinin icracı direktoru Şahin Rəcəbov birlik haqqında məlumat verərək qeyd edib ki, assosiasiya valideyn-müəllim-şagird əməkdaşlığının genişləndirilməsi, məktəblərə dəstək, uşaqların maraqlarının qorunması və digər istiqamətlərdə fəaliyyət həyata keçirir və bu sahədə DİM-lə əməkdaşlıqda maraqlıdırlar.
Müxtəlif məsələlərlə bağlı -valideynlərin imtahan prosesində nəzarətə cəlb olunması, valideynlərin imtahanlarla bağlı məlumatlandırılması və pedaqoji maarifləndirilməsi, ekspertlərlə görüş, test sualları və dərsliklər, orta təhsilin tədrisi keyfiyyəti və imtahanların proqram standartları, qarşılıqlı informasiya mübadiləsi və əməkdaşlıq məsələləri ilə bağlı fikirlərini bölüşən AVMA-İB icraçı direktorunun yerlərdən daxil olan konkret valideyn müraciətləri də yerindəcə praktik həllini tapdı.      
Müzakirələrin sonunda əlaqələrin daha da genişləndirilməsi və Dövlət İmtahan Mərkəzi tərəfindən lazımi dəstəyin göstərilməsi qərara alınıb. Azərbaycan Valideyn-Müəllim Assosiasiyası İctimai Birliyinin valideyn və şagirdlərlər üçün Bakıda və bölgələrdə təşkil ediləcək “Məktəb ailəsi təlim-istirahət düşərgə”lərində Mərkəzin fəaliyyəti, imtahanlara hazırlıq, qəbul qaydaları haqqında məlumat vermək, valideynlərin maarifləndirilməsi işində dəstək göstərilməsi üçün DİM-in əməkdaşları da təlimlərdə iştirak edəcək.  

шаблоны для dle 11.2
Baxılıb: 78 Tarix: 2-05-2019, 14:29