Akademik Vasim Məmmədəliyev vəfat edib

Azərbaycan elmi ictimaiyyətinə ağır itki üz verib.
TEHSILSHURASI.AZ xəbər verir ki, Bakı Dövlət Universitetinin Şərqşünaslıq fakültəsinin ərəb filologiyası kafedrasının müdiri, akademik Vasim Məmmədəliyev 77 yaşında vəfat edib.
Vasim Məmmədəliyev 1942-ci il avqustun 27-də Bakıda anadan olub. O, 160-dək elmi əsərin, o cümlədən 21 monoqrafiyanın müəllifidir. Xaricdə 50-dən çox elmi əsəri dərc olunub.
Vasim Məmmədəliyev akademik Ziya Bünyadov ilə Qurani-Kərimi ilk dəfə Azərbaycan dilinə tərcümə edib. 1991-ci ildə çap edilmiş bu tərcümə indiyə qədər müxtəlif illərdə 10 dəfə nəşr olunub.
Görkəmli alim Azərbaycanın Əməkdar elm xadimi fəxri adına layiq görülüb, 2002-ci ildə isə “Şöhrət” ordeni ilə təltif edilib.
2003-cü ildə Dağıstan Respublikasının Əməkdar elm xadimi fəxri adı ilə təltif olunub.
V.Məmmədəliyev BDU-da Ərəb filologiyasi kafedrasının müdiri, İlahiyyat fakültəsinin dekanı vəzifəsində çalışıb.
Respublika Təhsil Şurasının rəhbərliyi və üzvləri, eləcə də TEHSİLSHURASİ.AZ saytının əməkdaşları mərhumun ailəsinə dərin hüznlə başsağlığı verir.
Allah rəhmət eləsin!шаблоны для dle 11.2
Baxılıb: 122 Tarix: 14-10-2019, 09:44